Sadiqabad: FFC distributes half a kilo of carrots in the name of rations to poor, deserving people
صادق آباد(محمدخرم لغاری)ایف ایف سی انتظامیہ کی جانب سے احمدپورلمہ میں مستحق افراد میں راشن تقسیم کے نام پر بھونڈا مذاق،آدھاکلوگاجروں کے پیکٹس تھمادئے،لوگوں میں مایوسی،متعدد افرادنے استعمال کی بجائے گاجروں کے پیکٹس گلی محلوں میں پھینک دئے۔تفصیلات کے مطابق احمدپورلمہ کے سیاسی شخصیات کے اسرار پر ایف ایف سی انتظامیہ کی جانب سے احمدپورلمہ کے 2500مستحق افراد میں راشن پیکج تقسیم کرنے کیلئے سیاسی ڈیروں پر اہتمام کیا گیا تھا جس پر گزشتہ روز ایف ایف سی انتظامیہ احمدپورلمہ میں متعدد سیاسی شخصیات کے ڈیروں پر پہنچی تو سینکڑوں مرد خواتین،بچے،بوڑھے شدید گرمی اور دھوپ میں اپنے گھروں کا چولہا جلانے کیلئے راشن کی خاطر کئی گھنٹوں سے شدت سے انتظار کررہے تھے لیکن جبکہ انتظامیہ کی جانب سے قطاریں لگاکر راشن تقسیم کے نام پر آدھاکلو گاجروں کے پیکٹس دئے گئے تو عوام میں مایوسی پیدا ہوگئی متعدد افراد نے مایوس ہوکر گاجروں کے پیکٹس احتجاج موقع پر ہی انتظامیہ کے سامنے زمین پر بکھیردیئے جبکہ دیگر افراد نے ناقص ہونے کے باعث گلی محلوں میں پھینک دئے احمدپورلمہ کے سماجی فلاحی اور عوامی حلقوں میں شامل ٹکٹ ہولڈر جماعت اسلامی حلقہ 295نزاکت علی اعوان،محمد اعظم،محمد قاسم،محمد عارف،ذیشان،عبدالسلام،فاروق احمد،ساجد علی ودیگر نے ایف ایف سی کی جانب سے غریب،مستحق افراد میں راشن کے نام پر آدھاکلو گاجروں کی تقسیم کو بھونڈا مذق کرکے تذلیل کی گئی ہے،جبکہ شہریوں میں ایف ایف سی انتظامیہ اور مقامی سیاسی افراد کے خلاف تشویش،غصہ اور نفرت کی لہر پائی جارہی ہے۔ذرائع کے مطابق ایف ایف سی انتظامیہ کی جانب سے ان گاجروں کی تقسیم کے 33لاکھ روپے کے بل پاس کروائے گئے ہیں۔
0 Comments