رحیم یار خان کے قبرستانوں میں اضافی فیس کا انکشاف | لواحقین کا احتجاج

Graveyard Charges in Rahim Yar Khan Exposed | Extra Fees on Burial

رحیم یار خان کے قبرستانوں میں افسوسناک صورتحال، لواحقین سے مبینہ اضافی وصولیوں کا انکشاف

رحیم یار خان: شہر کے مختلف قبرستانوں، خصوصاً الکیلتہ اسلامیہ تھلی مہاتماں میں لواحقین نے شدید تحفظات کا اظہار کیا ہے، جہاں تدفین کے عمل کے دوران مبینہ طور پر اضافی اخراجات وصول کیے جا رہے ہیں۔

متاثرہ خاندانوں کے مطابق، قبر کی تیاری کے لیے تقریباً پندرہ ہزار روپے تک وصول کیے جاتے ہیں، جبکہ بعد از تدفی بھی بعض افراد کی جانب سے قبروں پر پانی ڈالنے کے بہانے دو سو سے تین سو روپے تک طلب کیے جاتے ہیں۔

شہریوں کا کہنا ہے کہ قبرستان کی زمین سرکاری طور پر مفت فراہم کی جاتی ہے، اس کے باوجود ایسے اخراجات غمزدہ خاندانوں کے لیے اضافی بوجھ بن رہے ہیں۔ بعض افراد نے یہ بھی دعویٰ کیا کہ چند نوجوانوں کو اس مقصد کے لیے رکھا گیا ہے، جو فوری طور پر خدمات فراہم کر کے رقم طلب کرتے ہیں۔

متاثرہ افراد نے ضلعی انتظامیہ، بالخصوص ڈپٹی کمشنر رحیم یار خان ظہیر انور جپہ سے مطالبہ کیا ہے کہ اس معاملے کا فوری نوٹس لیا جائے اور قبرستانوں میں ہونے والی مبینہ بے ضابطگیوں کی شفاف تحقیقات کرائی جائیں۔

شہریوں نے اپیل کی ہے کہ تدفین جیسے حساس اور مذہبی معاملے میں مالی استحصال کا سدباب کیا جائے اور واضح ریٹ لسٹ جاری کر کے اس پر سختی سے عمل درآمد کروایا جائے

یہ بھی پڑھیں : ام رباب چانڈیو تہرے قتل کیس کا فیصلہ: مکمل تفصیلی رپورٹ، پس منظر اور عدالتی کارروائی