نیشنل کمانڈ آپریشن سینیٹر(این سی اوسی )بین الصوبائی ٹرانسپورٹ پر17 مئی تک پابندی عائد کردی

The National Command Operations Senator (NCOC) banned inter-provincial transport until May 17

اسلام آباد (نیشن آف پاکستان نیوز آن لائن ) نیشنل کمانڈ آپریشن سینیٹر(این سی اوسی )نے ملک میں کورونا وباءکے بڑھتے ہوئے کیسز کی روک تھام اور ہلاکتوں میں اضافے کے پیش نظر صوبوں کی تجویز پر بین الصوبائی ٹرانسپورٹ پر17 مئی تک پابندی عائد کردی بین الصوبائی ٹرانسپورٹ ہفتےمیں دو دن ہفتہ اوراتوارمکمل بند ہوگی وفاقی وزیر منصوبہ بندی اور سربراہ این سی اوسی اسد عمر نے زیادہ شرح والے شہروں میں لاک ڈاون نافذ کرنے عندیہ دیدیا ہے ۔

یہ بھی پڑھیں : پاکستان میں بھی آکسیجن کی کمی کا خطرہ پیدا ہوگیا

تفصیل کے مطابق وفاقی وزیر منصوبہ بندی اسد عمر کی زیرصدارت ہفتہ کو این سی اوسی کا اجلاس ہوا۔اجلاس میں کورونا وائرس کی موجودہ صورتحال اور این اوپیز پر عملدرآمد کے حوالے سے تجاویز کا جائزہ لیا گیا۔ این سی اوسی کے اعلامیہ میں بتایا گیا کہ سائینو فورم کی پانچ لاکھ ڈوزز پاکستان پہنچ رہی ہیں پی اے ایف کے خصوصی طیارے سے سائینو فورم کی ڈوزز آئیں گی۔انہوں نے کہا کہ کورونا کے پھیلاو والے شہروں میں لاک ڈاون کی تجاویز پرغور کیا گیا،کورونا کیسز کے زیادہ شرح والے شہروں میں حالات بدستور برقرار رہے اور ایس اوپیز پر عملدرآمد نہ کیا گیا تو لاک ڈاوَن لگایا جاسکتا ہے،لاک ڈاون کا فیصلہ تمام فریقین سے مشاورت کے بعد کیا جائے گا۔مارکیٹوں، شاپنگ مالز، پبلک ٹرانسپورٹ اور تعلیمی ادارے مکمل بند کرنے کی تجاویز ہیں۔ حالات بدستور ایسے ہی خراب رہے تو مجبورا لاک ڈاون لگایا جاسکتا ہے ایس اوپیز پر عملدرآمد کروانے کیلئے صوبائی حکومتوں کی درخواست پر فوج ، ایف سی اور رینجرز کے ذریعے مدد فراہم ہوگی۔ ایس اوپیز پر عملدرآمد کروانے کیلئے صوبائی حکومتوں کی درخواست پر فوج ، ایف سی اور رینجرز کے ذریعے مدد فراہم ہوگی۔

یہ بھی پڑھیں : کورونا وائرس اور نظام تعلیم

اعلامیہ میں کہا گیا کہ بین الصوبائی ٹرانسپورٹ پر17 مئی تک پابندی عائد کردی گئی ہے بین الصوبائی ٹرانسپورٹ17مئی تک ہفتے میں دو دن ہفتہ اوراتوار کو بند ہوگی 60 سال سے زیادہ عمر کے شہریوں کو واک ان ویکسی نیشن کی سہولت دینے کا فیصلہ کیا ہے۔ اجلاس میں آکسیجن کی سپلائی کے حوالے سے تفصیلی بریفنگ دی گئی۔ کیسز میں اضافے کے پیش نظرچھ  ہزار901 بستروں کا اضافہ کیا گیا ہے۔آکسیجن سپلائی کی بھی سخت مانیٹرنگ کی جارہی ہے ہسپتالوں کو دو ہزار811 آکسیجن بیڈز، 431 وینٹی لیٹرز اور ایک ہزار196آکسیجن سلنڈر بھی فراہم کیے گئے ہیں۔