نورپورتھل:ممبرقومی اسمبلی وقائمہ کمیٹی برائےامورخارجہ ملک محمداحسان اللہ خان ٹوانہ کی کوششوں سےنواحی قصبہ جوڑاکلاں کی آبادیوں کودریائےجہلم کےکٹاؤ سےبچاوکےلیےکام شروع

Noorpurthal: With the efforts of Member National Assembly and Standing Committee on Foreign Affairs Malik Mohammad Ehsanullah Khan Towana

نورپورتھل (راجہ نورالہی عاطف سے)ممبر قومی اسمبلی و  قائمہ کمیٹی برائے امور خارجہ ملک محمد احسان اللہ خان ٹوانہ کی کوششوں سے نواحی قصبہ جوڑاکلاں کی آبادیوں کو دریائے جہلم کے کٹاؤ سے بچانے کے لیے کام شروع ہو گیا ہے

ڈمپروں کےذریعے پتھر پہنچا کر آبادی کو دریائی کٹاؤ سے بچانے کے لیے اقدامات کیے جا رہے ہیں دریائے جہلم کا حالیہ کٹاؤ بہت شدید تھا تیزی سے کٹاؤ کے عمل کی وجہ سے خدشہ تھا کہ جوڑاکلاں شہر کی مشرقی سڑک دریا برد ہونے کے ساتھ ساتھ وسیع آبادی بھی  کٹاو کا شکار ہو سکتی تھی اس صورتحال کی طرح ملتی ایم این اے ملک محمد احسان اللہ خان ٹوانہ نے متاثرہ علاقے کا خصوصی دورہ کر کے اس تاریخی گاؤں کو دریا برد ہونے سے بچانے کے لیے فوری طور پر عملی اقدامات اٹھائے اور ان کی کوششوں سے متاثرہ علاقہ میں پتھر ڈال کر دریائی کٹاؤ سے علاقے کو محفوظ کرنے کے لئے کام کا آغاز ہو چکا ہے ایم این اے ملک محمد احسان اللہ خان ٹوانہ کے پبلک فورم کے انچارج ملک غضنفر وڈھل نےجوڑا کلاں کا خصوصی دورہ کرکے اس عوام دوست منصوبے کا افتتاح کیا ۔اس موقع پر متاثرین علاقہ نے ممبر قومی اسمبلی ملک محمد احسان اللہ خان ٹوانہ کا خصوصی شکریہ ادا کرتے ہوئے کہا کہ اگر شدید کٹاؤ کی صورتحال جاری رہتی تو مشرقی سڑک سمیت تاریخی گاؤں جوڑاکلاں کی آبادی بھی دریائی لہروں کا شکار ہو سکتی تھی۔ واضح رہے کہ دریائے جہلم کے مغربی کنارے آباد تحصیل نور پور تھل کےعلاقہ کدھی کے متعدد دیہات طویل عرصہ سے دریا بردی کا شکار ہوتے چلے آرہے ہیں ۔چند سالوں سے جوڑا کلاں میں بھی دریائی کٹاو کا عمل تیزی سے جاری ہونے کی وجہ سے یہاں کے مکین پر زبردست پریشان کن صورتحال سے دوچار ہوئے جوڑاکلاں  کا شمار تھل کے تاریخی قصبات میں ہوتا ہے

یہ بھی پڑھیں : مولانا اسعد محمود کی قومی اسمبلی میں کی گٸی مکمل تقریرکامتن