رحیم یارخان:شراب کی بڑی کھیپ پولیس نے قبضہ میں لےلی ملزم گرفتار

Rahim Yar Khan: Large consignment of liquor seized by police, accused arrested

رحیم یارخان( محمدخرم لغاری)پولیس نے چھاپہ مار کر عید الفطر کے لیے لائی گئی شراب کی بڑی کھیپ قبضہ میں لےکرملزم کو گرفتار کرلیا 5300کپی، 700 شاپر،12 بوتل والائتی شراب اور الکوحل سے بھرے دو کین برآمد۔ منشیات فروش عید الفطر پر سٹی ایریا اور گرد و نواح میں شراب کی سپلائی کا پروگرام رکھتے تھے کہ پولیس پہنچ گئی۔ ڈی ایس پی سٹی سرکل جاوید اختر جتوئی نے ایس ایچ او تھانہ اے ڈویژن اسداللہ مستوئی کے ہمراہ میڈیا سے گفتگو کرتے ہوئے بتایا کہ ڈی پی او منتظر مہدی نے ضلع بھر میں پولیس کو الرٹ کر رکھا ہے کہ عیدالفطر پر منیشات فروش منشیات کی بڑی مقدار اسٹاک کر لیتے ہیں اور عید کے موقع پر عادی افراد کو سپلائی کرتے ہیں جس سے کئی ناخوشگوار واقعات جنم لیتے ہیں اس لیے ہم الرٹ تھے کہ ہمیں اطلاع ملی کہ ریکارڈ یافتہ عادی شراب فروش غلام فرید عرف بڈا سندھ سے ٹرک کے زریعے شراب کی ایک بڑی کھیپ رحیم یار خان میں منتقل کر رہا ہے جس کی ہم نے مانیٹرنگ شروع کر دی اور آخر کار آج ہمیں اطلاع ملی کہ  شراب فروش غلام فرید عرف بڈا نے شراب ایک مخصوص جگہ پر چھپا لی ہے جس پر تھانہ اے ڈویژن پولیس نے کامیاب کاروائی کرکے 5300کپی، 700 شاپر،12 بوتل والائتی شراب اور الکوحل سے بھرے دو کین جن میں تقریباً دو سو لیٹر شراب موجود ہے قبضہ میں لے کر اس کے خلاف مقدمہ درج کر لیا ہے اس کامیاب کارروائی میں اسسٹنٹ سب انسپکٹر یاسر عباسی، سب انسپکٹر جام احسان اور ان کی ٹیم میں شامل دیگر اہلکاروں کو اہم رول ہے جسے وہ شاباش دیتے ہیں اور انہیں ڈی پی او منتظر مہدی سے بھی انعام دلوائیں گے انہوں نے کہا کہ اس کھیپ کے پکڑے جانے سے یقیناً ہزاروں افراد کی صحت کو محفوظ بنایا گیا ہے اور اس کے استعمال سے پید اہونے والی قباحتوں کا راستہ روک لیا گیا ہے۔

یہ بھی پڑھیں : لاہور:وزیراعلیٰ پنجاب کی جانب سےپریزن مینجمنٹ انفارمیشن سسٹم کانفاذاحسن اقدام ہے،مرزاشاہدسلیم بیگ آئی جی جیل خانہ جات پنجاب