آٸی جی جیل خانہ جات مرزا شاہد سلیم بیگ کی ہدایات پرساہیوال جیل میں موک ایکسرساٸزکی گٸی

IG Prisons conducted silent exercise in Sahiwal Jail on the instructions of Mirza Shahid Saleem Baig.

لاہور(جاویدراہی)آئی جی جیل خانہ جات پنجاب مرزا شاہد سلیم بیگ کی ہدایات کے مطابق آج سنٹرل جیل ساہیوال میں آزمائشی مشقیں کی گئیں ۔اس موقع پر سپرنٹنڈنٹ سنٹرل جیل ساہیوال منصور اکبر بھی موجود تھے۔آزمائشی مشقوں سے قبل ڈسٹرکٹ کورڈنیشن آفیسر ساہیوال،ڈسٹرکٹ پولیس آفیسر،پاک آرمی کا کیو آر ایف سکوارڈ ،میڈیکل سپرنٹنڈنٹ ڈی ایچ کیو ہسپتال ساہیوال،1122 آفس ساہیوال،سول ڈیفنس،بم ڈسپوزل،سی ٹی ڈی، ٹی ایم او آفس ساہیوال اور دیگر لوکل ایجنسی ڈسٹرکٹ ساہیوال کو اطلاع کی گئی موک ایکسرسائز کے سلسلہ میں بوقت ساڑھے گیارہ بجے فرضی آلارم کروایا گیا اور جیل کے مین گیٹ سے چار فرضی دہشت گردوں کو جیل حدود میں داخل کروایا گیا اور ان کو زیر تعمیر وارڈ ز لائنز میں چھپایا گیا۔ فرضی آلارم ہونے پر جیل ہذا کی تمام گارڈ ڈیوڑھی گیٹ کے سامنے جمع ہوگئی اسلحہ سے مسلح ہو کر ڈپٹی سپرنٹنڈنٹ اور لائن آفیسر ودیگر آفیسران جیل کی سربراہی میں ہنگامی سیکورٹی پلان کے مطابق فرضی دہشت گردوں کی چھپنے والی جگہ کی طرف اور جیل ہذا کی چاروں اطراف پوزیشن سنبھالیں۔فرضی آلارم کی آواز پر ڈی ایس پی سٹی اور ڈی ایس پی صدر سرکل ساہیوال،ایلیٹ فورس، سی ٹی ڈی،پاک آرمی کے کیوآر ایف (سیکارڈ)،میڈیکل سپرنٹنڈنٹ ڈی ایچ کیو ہسپتال ساہیوال کی طرف سے میڈیکل ٹیم،1122 آفس ساہیوال کی طرف سے ایمبولینس اور فائربرگیڈوہیکل،سول ڈنفیس ساہیوال کی طرف سے آگ بجھانے والے آلات وبارودی مواد کو ناکارہ بنانے والے آلات کے ہمراہ،اور دیگر مقامی تھانہ کی پولیس فورس فوری طور پر جیل ہذا پہنچ گئی انھوں نےپوزیشن سنبھال لی اور دہشت گردوں سے فرضی مذاکرات کیے گئے تاکہ ان قابو پانے کے لئے تمام فورسزکی مشاورت سے آپریشن کرنے کے لئے حکمت عملی وضع کرنے کے لئے ٹائم حاصل کیا جا سکے۔آپریشن کی حکمت عملی پر اتفاق ہونے کے بعد کمانڈنگ آفیسر جیل ہذا نے آپریشن کی منظوری دی اور آپریشن کی کمانڈ کرتے ہوئے جیل آفیسران واہلکاران اور دیگر اداروں کی معاونت سے کامیاب آپریشن کرتے ہوئے فرضی دہشت گردوں پر قابو پا لیا گیا موک ایکسرسائز کے موقعہ پر اندرون جیل تمام اسیران کو ان کی بارکوں میں بند کردیا گیا اور لاٹھیوں سے مسلح وارڈر گارڈ نے فوری طور پر اندرون جیل تمام جیل کا لاک اپ کروایا۔موک ایکسر سائز کے اختتام پر تما م محکمہ جات کو بروقت رسپانس دینے پر سپرنٹنڈنٹ سنٹرل جیل ساہیوال منصور اکبر کی طرف سے شکریہ اداکیا گیا۔

یہ بھی پڑھیں : فراڈیا کمپنیز