کراچی: پی سی بی کا ایچ بی ایل پی ایس ایل 6 کے بقیہ میچ جون میں کروانے کا فیصلہ

 Karachi: PCB decides to hold remaining matches of HBL PSL 6 in June

کراچی: پی سی بی نے ایچ بی ایل پی ایس ایل 6 کے بقیہ 20 میچ جون میں کروانے کا فیصلہ کرلیا پاکستان کرکٹ بورڈ نے ایچ بی ایل پاکستان سپر لیگ 6 کے بقیہ میچ رواں سال جون میں کراچی میں کروانے کا فیصلہ کیا ہے۔ پاکستان کرکٹ بورڈ اور چھ  فرنچائزز  کے نمائندگان نے یہ متفقہ فیصلہ جمعرات کو منعقدہ ایک ورچوئل اجلاس میں کیا قومی کرکٹ ٹیم کی مئی، اپریل اور اگست، ستمبر میں بین الاقوامی مصروفیات کے باعث جون کی ونڈو کو ایونٹ کے لیے سب سے موزوں قرار دیا گیا ہے ایونٹ کے بقیہ 20 میچز اب قومی کرکٹ ٹیم کی 13 مئی کو زمبابوے سے واپسی اور 26 جون کو انگلینڈ روانگی کے درمیانی وقت میں شیڈول کیے جائیں گے پی سی بی کی انتظامیہ اب ایونٹ کے بقیہ میچوں سے متعلق آپریشنل اور لاجسٹک انتظامات کا جائزہ لینے کے بعد فرنچائز مالکان اور دیگر اسٹیک ہولڈرز سے رابطہ کرے گا

 یہ بھی پڑھیں: اوکاڑہ: ہوم اکنامکس یونیورسٹی لاہور کی وائس چانسلر کا اوکاڑہ یونیورسٹی کا دورہ، خواتین کے حقوق کے حوالے سے منعقدہ سیمینار سے خطاب، لائبریری کا بھی جائزہ لیا