خانیوال : طالب علم بچوں سے جنسی زیادتی کا انکشاف

Khanewal: Student child sexual abuse revealed

خانیوال(مدثر عباس) پیرووال میں جنسی سیکس سکینڈل کا انکشاف،4 اوباش افرادکی گن پوائنٹ پر14 سالہ8 ویں کلاس کا طالب علم اغواء کرکے اجتماعی زیادتی،وڈیو بناکرانٹرنیٹ پر اپ لوڈ کرنے کی دھمکی۔پولیس تھانہ صدر خانیوال نے زیادتی کا شکار بچے کے والد کی مدعیت میں 4 نامزد اور 2 نامعلوم افراد کے خلاف زیر دفعہ 377۔367-Aت پ مقدمہ درج کر لیا۔زیادتی کے شکارمظلوم بچے کے والد محمد اصغرجٹ ٹینڈا نے میڈیا کی وساطت سے وزیر اعلیٰ پنجاب، آئی جی پنجاب، ایڈیشنل آئی جی پنجاب، آر پی او ملتان، ڈی پی او خانیوال سے ملزمان سمیت پورے گینگ کو بے نقاب کرنے کا پرزور مطالبہ کیا ہے

تفصیلات کے مطابق کالونی نمبر 3 خانیوال کے رہائشی محمد اصغر جٹ ٹینڈا نے پولیس تھانہ صدر خانیوال میں مقدمہ نمبری 8/21زیر دفعہ 377۔367-Aت پ مقدمہ درج کراتے ہوئے اپنے مؤقف میں کہا ہے کہ میرا بیٹا محمد عبداللہ بعمر 14سال آٹھویں کلاس کا طالب علم ہے۔گزشتہ دنوں مورخہ 09/03/2021کورات 9:00 بجے پیرووال ہوٹل پر اپنے دوستوں عرفان قیصراورمحمد افضل کے ہمراہ موٹرسائیکل پر جارہے تھے کہ ٹول پلازہ کراس کرتے ہی 3موٹرسائیکل سوار5 مسلح 30بور پسٹل آگئے اور زبردستی روک کرمیرے بیٹے عبداللہ کو عبدالرحمٰن ولد عامر جاوید قوم گل جٹ۔ شاہ زیب عرف شیری ولدنامعلوم قوم جھنڈیر،احمر جٹ ولد لیاقت جٹ،نعیم ولد اقبال قوم گڈگورو دیگرز دو نامعلوم افراد نے موٹرسائیکل پر بٹھالیا جناح کالونی پیرووال میں نعیم گڈگور کی بھینسوں والے بھانہ میں لے گئے۔وہاں پر مذکورہ بالا چاروں افراد نے باری باری جان سے ماردینے کی دھمکیاں دے کر میرے بیٹے کو جنسی زیادتی کا نشانہ بنایا۔اس دوران ایک شخص موبائل پر زیادتی کی وڈیو بناتا رہا۔اور دھمکیاں دیتا رہا کہ اگر پولیس کو بتایا تو یہ وڈیو 

یہ بھی پڑھیں : مہنگائی کا سونامی اور وزیر خزانہ عبدالحفیظ شیخ کی چھٹی

یہ بھی پڑھیں : بجلی کے نرخ بڑھ گئے،نیپرا

انٹرنیٹ پر اپ لوڈ کردیں گے اور تم کسی کو منہ دکھانے کے قابل نہ رہو گے تلاش کے دوران جب میں ہمراہی گواہان پیرووال نعیم کے بھانہ پر پہنچے تواندر سے میرے بیٹے عبداللہ کی چیخ و پکار سن کربھانہ کی دیواریں پھلانگ کر اند داخل ہوگئے۔بعدازاں جملہ مذکورہ بالا ملزمان اسلحہ لہراتے اور جان سے ماردینے کی دھمکیاں دیتے ہوئے ہمارے سامنے فرار ہوگئے پولیس نے مقدمہ تو درج کر لیا ہے لیکن تاحال کسی ملزم کی کوئی گرفتاری عمل میں نہیں آئی۔ذرائع نے پیرووال سیکس سکینڈل کے حوالے سے بتایا ہے کہ پیرووال اور خانیوال سمیت گردو نواح میں یہ ایک گینگ ہے جو کم عمر بچوں کو اپنے جال میں پھنسا کر ان سے زیادتی کرتے ہیں اور بعد ازاں ان کی زیادتی کی وڈیوبنا کر انہیں بلیک میل کرتے ہیں اور دھمکی دیتے ہیں کہ وڈیو انٹرنیٹ پر ڈال دیں گے اور تم کسی کو منہ دکھانے کے قابل نہیں رہو گے جس کی وجہ سے کئی شریف خاندان کے بچے اپنے گھر جاکر اپنے والدین کو کچھ بتا بھی نہیں سکتے۔جس کی وجہ سے ان کے حوصلے بڑھ چکے ہیں۔مزید یہ بھی انکشاف ہوا ہےکہ اس پورن سیکس گینگ کا سرغنہ سابق پولیس ملازم کا بیٹا نعیم گڈگور ہے جس نے یہ گینگ بنایا ہوا ہے۔جن کی مکمل حمائیت مقامی پولیس ملازمین سمیت مقامی شخصیات بھی کرتے ہیں۔جس کی وجہ سے پولیس ان کے خلاف کسی بھی قسم کی کاروائی کرنے سے کتراتی ہے ذرائع کے مطابق ایس ایچ او تھانہ صدر خانیوال ذوالفقار اولکھ سے بارہا رابطہ کرنے کی

کوشش کی گئی لیکن رابطہ ممکن نہ ہوسکا مزید اہم انکشافات متوقع ہیں