Okara University is committed to making environmentally sustainable and safe campus: Vice Chancellor Prof. Zakaria Zakir
ہم اوکاڑہ یونیورسٹی کو ماحولیاتی اعتبار سے پائیدار اور محفوظ کیمپس بنانے کےلیے پرعزم ہیں وائس چانسلرپروفیسر ذکریا ذاکر، ترجمان اوکاڑہ یونیورسٹی کے مطابق یونیورسٹی میں جلد ہی توانائی کے قابل تجدید ذرائع پہ کام شروع کیا جائے گا پروفیسر زکریا ذاکرنے گفتگو کرتے ہوئے کہا کہ ہم مزید درخت اور پودے اگا کر اور اس خطے کے نباتاتی اور حیاتیاتی وسائل کا تحفظ کر کے اوکاڑہ یونیورسٹی کو ماحولیاتی اعتبار سے ایک پائیدار اور محفوظ کیمپس بنانے کےلیے پر عزم ہیں، ان خیالات کا اظہار وائس چانسلر پروفیسر ڈاکٹر محمد زکریا ذاکر نے فیکلٹی کے ایک اجلاس سے خطاب کرتے ہوئے کیا۔
یہ بھی پڑھیں : سرائیکی فنکاروں کے وفد کی سرائیکستان قومی کونسل کے سربراہ سے ملاقات،صوبہ سرائیکستان مہم میں بھرپورساتھ دینے کا اعلان
انہوں نے بتایا کہ اوکاڑہ یونیورسٹی میں پچپن ایکڑز پہ مشتمل لان اور کھیلوں کے میدان کے علاوہ دو سو سے زائد اقسام کے پودے اور درخت موجود ہیں جو کہ نہ صرف کیمپس کی خوبصورتی میں اضافہ کرتے ہیں بلکہ ماحولیاتی تبدیلیوں کی روک تھام کےلیے بھی فائدہ مند ہیں۔
انہوں نے یونیورسٹی کے اساتذہ اور انتظامی اسٹاف سے اپیل کی کہ وہ حکومت پاکستان کی گرین اینڈ کلین مہم میں بڑھ چڑھ کر حصہ لیں انہوں نے شعبہ باٹنی اور انوائرنمنٹل سائنسز کو ہدایت کی کہ وہ طلباء کی تحقیق اور اس خطے ماحولیاتی بہتری کےلیے ایک بوٹینیکل گارڈن قائم کریں۔
وائس چانسلر نے یونیورسٹی میں توانائی کے متبادل اور قابل تجدید ذرائع پہ کام شروع کرنے کا بھی عندیہ دیا تا کہ توانائی کے حصول کےلیے پانی اور کوئلے پہ انحصار کم کیا جا سکے۔ اس کے ساتھ ساتھ انہوں نے مستقبل قریب میں میڈیکل ، انجینئرنگ اور ایگریکلچرل سائنسز کے شعبہ جات شروع کرنے کا بھی اعلان کیا۔
0 Comments