پاکستان ہاکی میں بڑا دھماکہ! صدر ہاکی فیڈریشن طارق مجید مستعفی، پرو لیگ فنڈز پر اسپورٹس بورڈ سے سنگین الزامات

 صدر ہاکی فیڈریشن طارق مجید مستعفی، پرو لیگ فنڈز پر پاکستان اسپورٹس بورڈ سے تنازع

پاکستان ہاکی میں اہم پیش رفت سامنے آئی ہے جہاں طارق مجید نے صدر ہاکی فیڈریشن کے عہدے سے استعفیٰ دینے کا اعلان کر دیا ہے۔

ذرائع کے مطابق طارق مجید کا کہنا ہے کہ ایف آئی ایچ پرو لیگ میں شرکت کے لیے درکار فنڈز پاکستان سپورٹس بورڈ کے پاس موجود تھے، تاہم مبینہ طور پر اسپورٹس بورڈ مقررہ وقت پر رقم جاری کرنے میں ناکام رہا۔

انہوں نے دعویٰ کیا کہ ساری بدانتظامی اسپورٹس بورڈ کی جانب سے ہوئی، جس کے باعث قومی ٹیم کو مشکلات کا سامنا کرنا پڑا۔ ان کا کہنا تھا کہ شہباز شریف نے ہاکی کے فروغ کے لیے 25 کروڑ روپے جاری کیے تھے، مگر اس کے باوجود معاملات درست انداز میں آگے نہ بڑھ سکے۔

طارق مجید نے وزیرِ اعظم اور فیلڈ مارشل سے اپیل کی کہ فنڈز اور انتظامی معاملات کی شفاف تحقیقات کے لیے ایک بااختیار کمیٹی قائم کی جائے تاکہ اصل حقائق سامنے آ سکیں۔

انہوں نے یہ بھی کہا کہ سوشل میڈیا پر مختلف افواہیں پھیلائی گئیں اور کئی معاملات کو سیاق و سباق سے ہٹ کر پیش کیا گیا۔ ذرائع کے مطابق قومی ہاکی ٹیم کے کپتان نے بھی پاکستان واپسی پر انتظامی مسائل اور سہولیات سے متعلق شکایات کی تھیں۔

تاحال پاکستان سپورٹس بورڈ کی جانب سے ان الزامات پر باضابطہ مؤقف سامنے نہیں آیا، جبکہ کھیلوں کے حلقوں میں اس پیش رفت کو پاکستان ہاکی کے لیے اہم موڑ قرار دیا جا رہا ہے۔

ماہرین کے مطابق اگر بروقت اور شفاف تحقیقات نہ ہوئیں تو یہ معاملہ قومی کھیل کے مستقبل پر اثر انداز ہو سکتا ہے۔

یہ بھی پڑھیں : رحیم یار خان میں مبینہ زمین قبضہ اسکینڈل؟ خاتون کی کماد کی فصل جلانے کا الزام، مریم نواز اور ڈی پی او سے انصاف کی اپیل